కుందుర్పి సెప్టెంబర్ 09: బహుజన వేదిక న్యూస్

కుందుర్పి మండలం అప్పిలేపల్లిలో తాగునీటి సరఫరా సక్రమంగా జరగకపోవడంపై నిర్లక్ష్యం వహించిన పంచాయతీ కార్యదర్శి, డిప్యూటీ ఎంపీడీవోలకు షోకాజ్ నోటీసులు జారీ చేసినట్లు జిల్లా పంచాయతీ అధికారి నాగరాజ నాయుడు తెలిపారు. నీటి సరఫరా ఎందుకు నిలిచింది, సమస్య పరిష్కారానికి తీసుకున్న చర్యలపై వివరణ ఇవ్వాలని నోటీసుల్లో పేర్కొన్నారు. గ్రామీణ ప్రాంతాల్లో తాగునీటి సరఫరాలో అంతరాయం లేకుండా చూడాలని అధికారులను ఆదేశించారు.